Vinayaka

వినాయక చవితి ఉత్సవాలే లేకపోతే దేశం ఏమయ్యేదో ,ఆలోచిస్తేనే భయంగా ఉంది.
మనం భారతీయులం. ఇక్కడ పుట్టిన వాళ్ళు అందరం భారతీయులమే .ఇందులో పెద్ద విశేషమేమీ లేదు. కానీ మనందరం హిందువులం. మన తల్లి తండ్రులు,లేదా తాతలు ,ముత్తాతలు అందరం హిందువులమే. నేను ఇతర మత ద్వేషిని కాదు.
మన దేశంలో మన పండగలు చేసుకోవడానికి చాలామందికి కాలుష్యం గుర్తుకు వస్తాయి ,పేదల ఆకలి గుర్తుకు వస్తుంది , రైతన్నల ఆత్మహత్యలు గుర్తుకు వస్తాయి, డబ్బు గుంజుడు చందాల వ్యవహారాలు గుర్తుకు వస్తాయి. కొందరికి మానవ హక్కులు ,తోటకూర కాడలు గుర్తుకు వస్తాయి. నాకు మాత్రం భారతదేశం ,దాని సంస్కృతికి ఆధారమైన గొప్ప వేడుక గా కనిపిస్తుంది.
మహానుభావుడు లోకమాన్య బాలగంగాధర తిలక్ గారు ఏ ఉద్దేశ్యంతో ప్రారంభించారో అదే మన దేశాన్ని మన దేశ సనాతన హైందవ ధర్మాన్ని కాపాడుతుంది.
వినాయక ఉత్సవాలు మన భారతీయులు అందరిని సమిష్టిగా,ఐకమత్యం తో కలిసి మెలిసి జరుపుకునేలా చేస్తుంది.
మనం ,మన దేవుడు,మన పండగ,మన ఉత్సవాలు అని గర్వంగా జరుపుకునే వేడుక గణేష్ ఉత్సవాలు.
పల్లెటూళ్లలో ,పట్టణాలు ,ప్రతి వీధిలో, అపార్టుమెంట్లలో జనాలు అందరూ కలిసిమెలిసి దీన్ని జరుపుకుంటున్నాం.పిల్లలకి ,విద్యార్ధులకి ఈ వారం రోజులూ వేడుకే.
ఈ పండగ మత మార్పిడులు జరగకుండా ఆపుతుంది. అదే భారతదేశ ఆత్మని కాపాడుతుంది.
వినాయక చవితి ఉత్సవాలని ప్రోత్సహిద్దాం.
మన సంస్కృతీ ,సంప్రదాయాల్ని కాపాడుకుందాం.
జై హింద్

Advertisements

తెలివితేటలతో సంపాదించేవాడి విజయ రహస్యాలు

తెలివితేటలతో సంపాదించేవాడి విజయ రహస్యాలు :-
1)సమాజంలో వస్తున్న మార్పులను పరిశీలిస్తూ ఉంటాడు, మార్పులపై స్పష్టమైన అవగాహన కల్గిఉంటాడు.
2) సంపాదించాలి, సాధించాలనే కోరికను బలీయంగా కల్గి ఉంటాడు.
3) ప్రతీ అవకాశాన్ని అందిపుచ్చుకుంటాడు.
4) ప్రతికూల పరిస్థితుల్ని అనుకూల పరిస్థితులుగా మార్చుకొంటాడు.
5) ఎదుటివారి అవసరాలను మరియు సమస్యలను తనకి అవకాశాలుగా మలుచుకుంటాడు.
6) ఆలోచనలును వెంటనే ఆచరణలో పెడ్తాడు.
7) తన కున్న సృజనాత్మకతతో సరికొత్త ఆవిష్కరణలను సృష్టించాలనే తపన కల్గి ఉంటాడు.
8) వృత్తిలో నైపుణ్యం కల్గి ఉంటాడు లేదా నైపుణ్యాన్ని పెంపొందిచుకోటానికి ఎల్లవేళలా కృషి చేస్తాడు.
9) తోటివారిని లేదా ఉద్యోగులను సమన్వయ పరిచే శక్తి కల్గి ఉంటాడు.
10) వాక్చాతుర్యాన్ని కలిగిఉంటాడు.
11) టైం మేనేజ్మెంట్ కి ప్రాధాన్యతనిస్తాడు.
12) తన శక్తిని అంచనా వేస్తాడు.
13) ఏదైనా సాదించగలను అనే దృఢ సంకల్పంతో ఉంటాడు.
14) తెగింపు కల్గి ఉంటాడు.